အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများဖွံ့ဖြိုးတိုးတက်ရေး ဦးဆောင်ကော်မတီ၏ ခွင့်ပြုချက်ဖြင့် THE GREAT MERGER CO.,LTD မှ တင်သွင်းလာ သော တရုတ်နိုင်ငံထုတ် BRAND SUV (LHD)၊ BRAND NAME AVATOR 07A၊ MODEL 2025၊ C/O CHINA (6) U သည်လည်းကောင်း၊ ALPHA ALLIANCE AUTOMOBILE CO., LTD မှတင်သွင်းလာသော တရုတ်နိုင်ငံထုတ် BRAND SUV (LHD)၊ BRAND NAME AVATOR 06, 07၊ MODEL 2025၊ C/O CHINA (6) U သည်လည်းကောင်း ၁၂-၅-၂၀၂၆ ရက်နေ့တွင် သီလဝါ ဆိပ်ကမ်း (MITT) သို့အသီးသီးရောက်ရှိလားခဲ့ပါသည်။
MYANMAR ARR THIT MAN MOTOR CO., LTDTD မှ တင်သွင်းလာသော တရုတ်နိုင်ငံထုတ် B/N SUV (LHD)(BEV)၊ BRAND NAME : CHANGAN DEEPAL S07၊ MODEL 2025၊ C/O CHINA (8) U သည် ၆-၅-၂၀၂၆ ရက်နေ့တွင် အေးရှားဝေါလ်ဆိပ်ကမ်း (AWPT) သို့ ရောက်ရှိလာခဲ့ပါသည်။
လျှပ်စစ်သုံးမော်တော်ယာဉ် (၁၂) စီးသည် သီလဝါဆိပ်ကမ်း (MITT) ၌ ၁၄-၅-၂၀၂၆ ရက်နေ့တွင်လည်းကောင်း၊ လျှပ်စစ်သုံးမော်တော်ယာဉ် (၈) စီးသည် အေးရှားဝေါလ်ဆိပ်ကမ်း (AWPT) ၌ ၁၄-၅-၂၀၂၆ ရက်နေ့တွင်လည်းကောင်း ကုန်လမ်းပို့ဆောင်ရေးညွှန်ကြားမှုဦးစီး ဌာန၊ အမှတ်(၁) အကြီးစားစက်မှုလုပ်ငန်း၊ စက်မှုပူးပေါင်းဆောင်ရွက်ရေး ဦးစီးဌာနနှင့် ကုန်သွယ်ရေးဦးစီးဌာနတို့ပါဝင်သော ပူးပေါင်းစစ်ဆေးရေးအဖွဲ့ဖြင့် လျှပ်စစ်သုံးမော်တော် ယာဉ်များ အတွက်ထုတ်ပြန်ထားသည့် စံချိန်စံညွှန်းသတ်မှတ်ချက်များ၊ သွင်းကုန်လိုင်စင်၊ သွင်းကုန်ကြေညာလွှာပါ ခွင့်ပြုချက်များနှင့် တိုက်ဆိုင်စစ်ဆေးခဲ့ပြီး ၁၉-၅-၂၀၂၆ ရက်နေ့တွင် လုပ်ထုံးလုပ်နည်းများနှင့်အညီ စိစစ်ထုတ်ပေးခဲ့ပါကြောင်း၊ အဆိုပါတင်သွင်းမှုများအတွက် အခွန်ကင်းလွတ်ခွင့်ပြုထားကြောင်း သတင်းရရှိပါသည်။